Moise Kean është njëri nga sulmuesit më të talentuar në Serie A.

Sulmuesi i talentuar italian nuk u lejua të largohet në afatin kalimtar të verës dhe në janar nga drejtuesit e klubit bardh e zi.

Por tani lojtarit i është sosur durimi dhe ka kërkuar me çdo kusht largimin nga Zonja e Vjetër në verë.

Gjiganti holandez, Ajax Amsterdam pritet të jetë skuadra e re për Moise Kean.

Çerekfinalistët e Ligës së Kampionëve janë të gatshëm të shpenzojnë 25 milionë euro për transferimin e Kean në Amsterdam.

19-vjeçari këtë edicion ka luajtur vetëm katër ndeshje me ekipin e parë ku ka shënuar një gol në Kupën e Italisë.

Borussia Dortmund, Olympique Marseille dhe Milan kishin shprehur interesim për transferimin e Keane, por ofertat e tyre ishin refuzuar nga Juventus.

Reprezentuesi i Italisë ka një kontratë me Zonjën e Vjetër vetëm deri në verën e vitit 2020 dhe nuk ka pranuar rinovimin.

Mos pranimi i kontratës së re e bënë fakt të kryer largimin e tij në verë nga Torino, pasi Juventus nuk do të lejoj ta humbas pa fituar asgjë yllin e tyre të ri.